ایران میں جنگی طیارہ گرنے کے نتیجے میں2 پائلٹس سمیت3 افراد ہلاک ہوگئے۔ 

غیرملکی خبرایجنسی کے مطابق ایران کے شہرتبریز میں جنگی طیارہ گرنے سے2 پائلٹس اورایک شہری ہلاک ہوگیا۔شہری کھڑی ہوئی گاڑی میں بیٹھا تھا جوطیارے کا ملبہ گرنے سے ہلاک ہوا۔

ایرانی فوجی حکام کا کہنا ہے کہ طیارہ تکنیکی خرابی کے باعث تباہ ہوا۔ طیارہ ٹریننگ کے لئے استعمال کیا جاتا تھا۔حکام نے مزید کہا کہ طیارے کے پائلٹ صادق فلاحی اورعلی رضا حنیف زاد نے شہری آبادی کوجانی نقصان سے بچانے کے لئے اپنی جانوں کی قربانی دی۔