بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

درفشاں سلیم بین الاقوامی سطح پر اپنی پہچان بنانے کے لئے تیار

مختلف پاکستانی سیریز میں اپنی قابل تعریف اداکاری کے بعد، درفشان سلیم بین الاقوامی سطح پر اپنی پہچان بنانے کے لئے تیار ہیں۔

’جیسی آپ کی مرضی‘ اور ’عشق مرشد‘ جیسے ہٹ ڈراموں میں نمایاں کردار ادا کرنے والی پاکستانی اداکارہ درفشاں سلیم نے اب ترکی کی انٹرٹینمنٹ انڈسٹری پر اپنی نظریں جمائی ہوئی ہیں۔

عشق مرشد کے اختتام کے بعد مداحوں کو ان کے اگلے پروجیکٹ کی خبروں کا بے صبری سے انتظار تھا اور اب ان کی توقعات کو دلچسپ پیش رفت کا سامنا کرنا پڑا ہے۔ ترک ٹی وی سیریز ’صلح الدین ایوبی‘ کے دوسرے سیزن کی کاسٹ میں درفشان سلیم بھی شامل ہو گئی ہیں، جس میں مسلمان حکمران سلطان صلاح الدین کی بہادری کی کہانی بیان کی گئی ہے۔

ترکی میں فلمایا گیا ’صلح الدین ایوبی‘ کا پہلا سیزن پہلے ہی وہاں نشر ہو چکا ہے اور فی الحال اردو ڈبنگ کے ساتھ ہم ٹی وی پر نشر کیا جا رہا ہے۔ یہ نومبر 2023 میں جاری کیا گیا تھا. اس سیریز نے اپنے متاثر کن بیانیہ اور تاریخی اہمیت کی وجہ سے توجہ حاصل کی ہے۔