اسلام آباد پولیس نے جماعت اسلامی کے سابق سینیٹر مشتاق احمد کو گرفتار کر لیا ہے۔
میڈیا رپورٹس کے مطابق اسلام آباد میں جماعت اسلامی نے ’سیو غزہ‘ مارچ کیا، اس دوران اسلام آباد پولیس نے جماعت اسلامی کے متعدد کارکنان کو گرفتار کرلیا۔
گرفتار ہونے والوں میں رہنما جماعت اسلامی و سابق سینیٹر مشتاق احمد بھی شامل ہیں، گرفتار ہونے والوں میں 2 خواتین سمیت جماعت اسلامی کے 20 سے زائد کارکنان شامل ہیں، کارکنان کو ڈی چوک اسلام آباد کے قریب گرفتار کیا گیا۔
اسلام آباد پولیس نے اس حوالے سے کہا ہے کہ اسلام آباد میں دفعہ 144 نافذ ہے، خلاف ورزی کرنے پر جماعت اسلامی کے کارکنان کو گرفتار کیا گیا ہے۔