سینیٹر فیصل واوڈا نے کہا ہے کہ رواں ماہ پاکستان کیلئے کئی برس بعد ایک اچھی خبر سامنے آئے گی، آرمی چیف کے اپنے ہی ادارے میں انصاف پر مبنی فیصلوں کے سبب پاکستان کو اب ترقی سے کوئی نہیں روک سکتا۔
سوشل میڈیا پلیٹ فارم ”ایکس“ پر جاری ایک بیان میں فیصل واوڈا نے کہا کہ موجودہ آرمی چیف جنرل سید عاصم منیر کی کاوش اور ایس آئی ایف سی کے تحت یہ خوش خبری ستمبر میں متوقع ہے۔
انہوں نے کہا کہ آرمی چیف کے اپنے ہی ادارے میں انصاف پر مبنی فیصلوں کے سبب پاکستان کو اب ترقی سے کوئی نہیں روک سکتا۔
فیصل واوڈا نے کہا کہ کاش ہمارے سیاسی لیڈرز اور آئینی و قانونی کرسیوں پر بیٹھنے والے ایسا پہلے کرلیتے تو آج پاکستان ترقی کرکے کہاں سے کہاں پہنچ جاتا۔