بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

اپوزیشن جب بھی عدم اعتماد لائے گی خود پھنسے گی،شیخ رشیدکا دعوی

اسلام آباد(مانیٹرنگ ڈیسک) وفاقی وزیر داخلہ شیخ رشید نے کہا ہے کہ اپوزیشن جماعتیں ملاقاتیں اور گزارشات کر رہی ہیں ان کا کوئی نتیجہ نہیں نکلنا۔ وزیراعظم کے خلاف عدم اعتماد لے آئیں، ناکامی ان کا مقدر ہے۔
اسلام آباد میں نیوز کانفرنس سے خطاب کرتے ہوئے وزیر داخلہ شیخ رشید کا کہنا تھا کہ عمران خان اور جہانگیرترین پرانے ساتھی ہیں، دوستوں میں اختلافات ہو جاتے ہیں، سیاست دان کبھی دروازے بند نہیں کرتا۔ اپوزیشن کہتی ہے کارڈچھپائے ہیں، عمران خان بھی چھاتی سے کارڈ لگا کر کھیلتا ہے۔ ایم کیوایم اور ق لیگ ہمارے اتحادی ہیں۔
اپوزیشن عدم اعتماد لائے تب بھی پھنسے گی، اپوزیشن ساڑھے 3 سال سے کہتی چلی آرہی ہے کہ آج آرہے ہیں، کل آ رہے ہیں، 172 ممبرلانا ان کا کام ہے۔ پھر کہتے ہیں کورونا آگیا تھا، فون آیا تھا۔ ہو سکتا ہے ان کی بے وقوفیوں پر تاریخ لکھی جائے۔ انتشار اور خلفشار ان کے گلے پڑے گا۔ الیکشن میں ایک سال رہ گیا، انتخابی سرگرمیاں شروع ہو گئی ہیں۔