اسلام آباد(مانیٹرنگ ڈیسک)عالمی شہرت یافتہ پاکستانی گلوکار عاطف اسلم سے اُن کے بھارتی مداح نے ایک خصوصی گزارش کردی ہے۔
میور نامی ایک صارف نے مائیکرو بلاگنگ ویب سائٹ ٹوئٹر پر گلوکار کی جانب سے اپنے دبئی کنسرٹ میں لتا جی کو پیش کیے گئے خراجِ عقیدت کی ایک چھوٹی سی یوٹیوب ویڈیو کا اسکرین شاٹ شیئر کیا۔
صارف نے اسکرین شاٹ شیئر کرتے ہوئے لکھا کہ’صرف 10 دنوں میں 6 اشاریہ 3 ملین سے زائد ویوز اور یہ عاطف کا کوئی نیا گانا نہیں ہے بلکہ یہ لتا جی کو پیش کیے گئے خراج عقیدت کی ایک چھوٹی سے ویڈیو تھی‘۔
صارف نے اپنے ٹوئٹ میں پاکستانی گلوکار سے لتا منگیشکر کے مقبول گانے’کبھی کبھی میرے دل میں‘ کو باضابطہ طور پر اپنی آواز میں نئے انداز میں پیش کرنے کی درخواست کردی۔
6.3m+ Views in just 10 Days and No it's not any new song by Atif .. It was tribute to Lata Ji 💚@itsaadee it's high time you should give us Kabhi Kabhi Mere Dil mein officially please 🔥 pic.twitter.com/FxD4R2wSsM
— Mayur (@its_Mayur_) February 23, 2022
خیال رہے کہ کچھ دنوں پہلے نامور گلوکار عاطف اسلم نے دبئی میں اپنے ایک کنسرٹ کے دوران لیجنڈری بھارتی گلوکارہ لتا منگیشکر کو شاندار خراجِ عقیدت پیش کرکے موسیقی کے لاکھوں مداحوں کو خوش کردیا ہے۔
واضح رہے کہ بھارتی گلوکارہ لتا منگیشکر کا انتقال 6 فروری کو ہوا تھا۔
اُنہوں نے کورونا وائرس اور نمونیا کی تشخیص کے بعد تقریباً ایک ماہ اسپتال میں گزارا تھا۔
