اسلام آباد(ممتازنیوز)چیئرمین تحریک انصاف عمران خان نےوفاقی وزیر صحت عبدالقادر پٹیل کیخلاف قانونی چارہ جوئی کا آغاز کردیا۔عمران خان کی جانب سے عبدالقادر پٹیل کو 10 ارب ہرجانے کا نوٹس بھجوا دیا گیا ۔نوٹس چیئرمین تحریک انصاف کے وکیل ابوذر سلمان نیازی کی جانب سے بھجوایا گیا ۔ نوٹس کے مطابق عبدالقادر پٹیل سے 15 روز میں اپنے بیہودہ الزامات واپس لیں،عبدالقادر پٹیل فوری طور پر چیئرمین تحریک انصاف سے غیرمشروط معافی مانگیں۔عبدالقادر پٹیل چیئرمین تحریک انصاف کو 10 ارب بطور ہرجانہ ادا کریں جسے شوکت خانم اسپتال میں جمع کروایا جائے گا۔عبدالقادر پٹیل نے معافی نہ مانگی تو قانونی کارروائی آگے بڑھائیں گے۔