ممبئی میں میرا روڈ سڑک پر واقع اپارٹمنٹ میں ہونے والے قتل کی تحقیقات کے دوران اہم انکشاف ہوا ہے جس کے مطابق ملزم نے ساتھی خاتون کے اعضا کو ٹھکانے کیلئے گرینڈر کا استعمال کیا ۔
بھارتی پولیس نے گزشتہ روز 56 سالہ منوج کو اپنی ساتھی سرسوتی وادیا کو قتل کرنے کے الزام میں گرفتار کیا تھا، دونوں افراد پچھلے 3 برس سے گیتا آکاش نامی بلڈنگ میں ایک ساتھ رہ رہے تھے۔
بھارتی میڈیا کے مطابق پولیس نے اپنے بیان میں بتایاکہ ملزم نے ساتھی سے جھگڑے کے بعد درخت کاٹنے کی آری سے خاتون کے جسم کے ٹکڑے ٹکڑے کردیے، بعد ازاں انہیں پریشر ککر میں پکاکر پلاسٹک کے بیگز میں بھر لیا تاکہ انہیں ٹھکانے لگایا جاسکے لیکن پولیس نے وقت پر پہنچ لاش کی باقیات تحویل میں لے لیں اور منوج کو گرفتار کرلیا۔
#WATCH | Mira Road Monster Manoj Sane used a mixer grinder to grind pieces of his live-in partner Saraswati Vaidya. In these visuals, you can see the police taking the mixer grinder and other kitchen utensils from Manoj Sane's house.#MiraRoad #LiveInPartner #manojsane… pic.twitter.com/zCjeR6I4IH
— Free Press Journal (@fpjindia) June 8, 2023
بھارتی میڈیا رپورٹ میں مزید بتایا گیا ہے کہ قتل کیس میں نئی پیشرفت کے تحت پولیس نے ملزم کے فلیٹ سے مکسر گرینڈر برآمد کیا ہے جس سے متعلق پولیس کا کہنا ہے کہ منوج نے سرسوتی وادیا کو قتل کرنے کے بعد اس کے جسمانی اعضا کو ٹھکانے لگانے کیلئے مکسر گرینڈر کا استعمال بھی کیا۔
ملزم نے ان کو ٹھکانے لگانے کیلئے نیلے رنگ کے پلاسٹک بیگ میں بھرلیا تھا جسے پولیس نے اب اپنی تحویل میں لے لیا ہے۔
