شادیوں پر دلہنوں کی منفرد انٹریوں کے انداز میں ایک نیا اضافہ ہوگیا، پھولوں سے سجی گاڑی کے بجائے دلہن اسکوٹی پر سیرکرتی رہی، ویڈیو سوشل میڈیا پر وائرل ہوگئی۔
شادی کے موقع پر دلہا اور دلہن کیلئے اکثر خاص طور پر گاڑیوں پر سجاوٹ کی جاتی ہے اور دھوم دھام سے گاڑیوں قافلے میں دلہا دلہن کو لایا جاتا ہے تاہم ایک دلہن کو اسکوٹی پر جاتے دیکھ کر لوگ حیران ہوگئے۔
ویڈیو کے پہلے حصے میں دلہن کوا سکوٹی پر جاتے دیکھا جا سکتا ہے جب کہ پس منظر میں گانا ’ واری واری جاؤں ‘ سنائی دے رہا ہے۔ کچھ سکینڈز بعد ایک چالان کی تصویر آتی ہے اور گانا ’بیوقوفیاں‘ بچ رہا ہے۔
Going 'Vaari Vaari Jaaun' on the road for a REEL makes your safety a REAL WORRY!
Please do not indulge in acts of BEWAKOOFIYAN! Drive safe.@dtptraffic pic.twitter.com/CLx5AP9UN8
— Delhi Police (@DelhiPolice) June 10, 2023
درحقیقت یہ ویڈیو دہلی پولیس کی جانب سے ٹریفک قوانین سے آگہی کے لیے تیار کی گئی تھی جس کو سوشل میڈیا صارفین نے بہت سراہا ہے۔
یاد رہے کہ اس ویڈیو سے قطع نظر ان دنوں سوشل میڈیا پر دلہنوں کی اپنی شادی میں انٹری کی دلچسپ ویڈیوز سامنے آتی رہتی ہیں۔
کبھی ڈانس کرتی دلہنیں تو کبھی جھومر پر اڑ کر اسٹیج پر پہنچنے والی ویڈیوز سوشل میڈیا پر پہلے ہی وائرل ہوچکی ہیں جبکہ اسکوٹی پر سیر کرتی دلہن نے لوگوں کو نیا آئیڈیا دیدیا ہے۔
