شوہر سرپرائز دینا چاہے تو ہر کسی کو حیران کردیتا ہے۔ بالکل ایسا ہی پاکستان انٹرنیشنل ایئر لائنز کی اسکردو سے کراچی آنے والی پرواز میں ہوا جہاں طیارہ جب 30 ہزار فٹ کی بلندی پر پہنچا تو اس نے کیپٹن سے درخواست کی کہ آپ ہماری شادی کی 30 ویں سالگرہ کا اعلان کریں، میں بیگم کو سرپرائز دینا چاہتا ہوں۔
اسکردو ایئر پورٹ پر کراچی آنے والی پرواز پی کے 456 کے مسافر عبد الرافع بدر اور شائستہ صدیقی کو ان کی شادی کی تیسویں سالگرہ کی مبارک باد دی۔ کیپٹن خالد خان نے چیری اور فضائی عملہ نے کیک کا تحفہ دیا۔ فضائی عملہ نے عبدالرافع کی جانب سے دیا گیا ایک قیمتی سرپرائز گفٹ بھی ان کی اہلیہ شائستہ صدیقی کو پیش کیا۔ پرواز میں موجود میوزیکل گروپ نے گانا گا کر عبدالرافع اور شائستہ صدیقی کی شادی کی 30 ویں سالگرہ کو یادگار بنا دیا۔
