اسلام آباد(اصغر چوہدری)سینہ، گلے،یورین انفیکشن میں استعمال کی جانے والی معروف برانڈ کی جعلی اینٹی بائیوٹک دوا کی مارکیٹ میں موجودگی کے انکشاف پر ڈرگ ریگولیٹری اتھارٹی ٟڈریپ نے ریپڈ الرٹ جاری کردیا ،دوا ساز کمپنی نے سپروکسن کے بیچ بی اے اے 928 کو جعلی قرار دیا ہے ۔ڈریپ ذرائع کے مطابق اینٹی بائیوٹک گولی سپروکسن 500 ایم جی کا بیچ بی اے اے 928 جعلی ہے،سپروکسن 500 ایم جی بائرز پاکستان لاہور کی تیارکردہ ہے،پنجاب ڈرگ کنٹرول نے قصور سے سپروکسن کا مشتبہ سٹاک ضبط کیا تھا،ڈرگ حکام نے کمپنی سے سپروکسن کے دستیاب بیچ بارے انکوائری کی،کمپنی نے مارکیٹ میں دستیاب سپروکسن کے بیچ سے لاتعلقی ظاہر کی تھی،دوا ساز کمپنی نے سپروکسن کے بیچ بی اے اے 928 کو جعلی قرار دیا ہے، سپروکسن گولی بارے ریپڈ الرٹ کا اجرائ فیلڈ فورس، شہری، ڈاکٹرز، کیلئے ہے،سپروکسن سینہ، گلے،یورین انفیکشن میں استعمال کی جاتی ہے،جعلی دوا میں سائیکوٹراپک،نارکوٹک و زہریلے اجزا شامل ہو سکتے ہیں،جعلی اجزا سے تیارکردہ دوا انسانوں کیلئے جان لیوا ثابت ہو سکتی ہے،غیر معیاری و جعلی دوا کے استعمال سے علاج شدید متاثر ہوتا ہے،فیلڈ فورس مارکیٹ میں دستیاب سپروکسن کا جعلی بیچ ضبط کریں،کیمسٹ سپروکسن کا جعلی بیچ کی سیل روکنے کیلئے سٹاک چیک کریں،ڈریپ کی صوبائی ٹیمیں میڈیسن مارکیٹ میں سرویلنس بڑھائیں،ڈاکٹرز مریضوں کو سپروکسن دوا کے جعلی بیچ کا استعمال نہ کرائیں۔۔