برطانوی ایئر لائن نے 19 مسافروں کو ٹیک آف کے لئے طیارے کا وزن زیادہ ہونے کے باعث طیارے سے اُتار دیا۔
غیر ملکی میڈیا رپورٹس کے مطابق لانز روٹ سے لیورپول اُڑان بھرنے والے برطانوی ایئر لائن نے ٹیک آف کے لئے طیارے کا وزن زیادہ ہونے کے باعث 19 مسافروں کو طیارے سے اُتار دیا۔
میڈیا رپورٹس کے مطابق فلائٹ کو 09:45 پر ٹیک آف کرنا تھا تاہم موسم کی خراب صورتحال اور وزن کی وجہ سے ٹیک آف میں 2 گھنٹے کی تاخیر ہوگئی۔
5 جولائی کو پیش آںے والے اس واقعے میں مسافروں سے کہا گیا کہ وہ رضاکارانہ طور پر ’طیارے سے اُترنے کا فیصلہ کرلیں‘، جس کے بعد طیارے نے 11:45 پر اُڑان بھری۔
سوشل میڈیا پر وائرل ہونے والی ایک ویڈیو میں پائلیٹ کو جہاز میں موجود مسافروں کو صورتحال بتاتے ہوئے دیکھا جا سکتا ہے۔
#easyJet‘s Captain asked 20 passengers to leave the aircraft because it was overweight and wouldn’t be able to takeoff from #Lanzarote due to wind and warm weather. The flight from Lanzarote to #Liverpool was delayed by about 2 hours.
🎥 ©razza699/TikTok#Spain #uk #aviation pic.twitter.com/oa8pi4Imox
— FlightMode (@FlightModeblog) July 8, 2023
ویڈیو، جو بظاہر اسی پرواز میں سوار ایک مسافر نے ریکارڈ کی، جس میں پائلیٹ کو صورتحال کا اعلان کرتے ہوئے 20 مسافروں سے رضاکارانہ طور پر طیارے سے اُترنے کی درخواست کرتے ہوئے دیکھا جاسکتا ہے۔
میڈیا رپورٹس کے مطابق برطانوی ایئر لائن نے بھی اس واقعے کی تصدیق کی کہ 19 مسافروں نے موسم کی خراب صورتحال کے باعث لانزروٹ سے لیورپول کے لئے رضاکارانہ طور پر اُڑان نہ بھرنے کا فیصلہ کیا جنہیں اگلے فلائٹ سے روانہ کیا گیا۔
