لاہور: سابق وزیر اعظم اور پاکستان مسلم لیگ (ن) کے صدر شہباز شریف سے بلوچستان، پنجاب اور صوبہ سندھ سے پارٹی رہنماؤں نے ملاقات کی،ملاقات کرنے والوں میں پاکستان مسلم لیگ (ن) بلوچستان کے صدر جعفر خان مندوخیل، سابق وزیر اعلیٰ جام کمال شامل تھے۔پارٹی کے سینئر رہنما سردار ایاز صادق بھی ملاقات میں موجود تھے۔  ملاقات میں بلوچستان میں پارٹی امور اور عام انتخابات کی تیاریوں پر مشاورت ہوئی۔ملاقات میں بلوچستان میں پارٹی کو مزید مضبوط اور فعال بنانے کے لئے تجاویز پر غور ہوا ۔شہباز شریف نے جعفر مندو خیل کی بلوچستان میں پارٹی کو مضبوط بنانے کے لئے کوششوں کو سراہا ۔سابق وزیر اعلی جام کمال نے پاکستان مسلم لیگ (ن) کے قائد محمد نواز شریف کی ایون فیلڈ ریفرنس میں بریت پر شہباز شریف کو مبارک دی ۔ شہباز شریف نے نیک تمناؤں کے اظہار پر جام کمال کا شکریہ ادا کیا ۔ خوشاب سے سابق رکن قومی اسمبلی اور سابق وفاقی وزیر سمیرا ملک کی پارٹی صدر سے ملاقات ملاقات میں عام انتخابات کی تیاریوں اور پارٹی سرگرمیوں پر گفتگو ہوئی کراچی سے پارٹی راہنمائوں خواجہ شعیب اور صالحین تنولینے بھی پارٹی صدر سے ملاقات کی۔ ملاقات میں صوبہ سندھ میں پارٹی کو مزید فعال بنانے اور عام انتخابات کی تیاریوں کے حوالے سے تبادلہ خیال ہوا ۔اس موقع پر شہباز شریف نے کہاکہ مسلم لیگ (ن) چاروں صوبوں، گلگت بلتستان اور آزاد جموں و کشمیر کی سب سے بڑی وفاقی جماعت اور وفاق کی مضبوطی اور ترقی کی علامت ہے ۔انہوںنے کہاک بلوچستان قومی ترقی اور حقوق کی فراہمی کے ایجنڈے میں مسلم لیگ(ن) کی ہمیشہ اولین ترجیح رہی ہے اور رہے گی، شہباز شریف نے کہاکہ پاکستان کی ترقی کے لئے بلوچستان کی ترقی ایک لازمی تقاضا ہے جسے صرف مسلم لیگ(ن) ہی پورا کرسکتی ہے۔انہوں نے کہاکہ نواز شریف کی قیادت میں مسلم لیگ (ن) نے ہمیشہ پورے پاکستان کے عوام سے وعدے پورے کئے اور بلا امتیاز سب اکائیوں کو ترقی دی۔ شہباز شریف نے کہاکہ حقوق کا تحفظ اور ترقی یقینی بنا کر بلوچستان کو پاکستان کی خوشحال اکائی بنائیں گے، ان شاءاللہ ،تمام صوبوں کو ترقی کے عمل میں مساوی انداز میں ساتھ لے کر چلیں گے، اٹھارویں ترمیم کے ذریعے صوبوں کے اندر یکساں تقسیم کو یقینی بنائیں گے،اٹھارویں ترمیم سے صوبوں کو وسائل اور اختیارات ملے، اب اس کا دائرہ صوبوں کے اندر تمام علاقوں تک لےکر جائیں گے۔ شہباز شریف نے کہاکہ عوام کا مسئلہ مہنگائی ہے، اس سے نجات صرف مسلم لیگ(ن) دلاسکتی ہے۔