کراچی (نیوز ڈیسک) اداکارہ رمشا خان بھارتی اداکارہ انوشکا شرما سے مشابہہ قرار دیئے جانے پر برہم ہو گئیں۔ ایک انٹرویو میں رمشا خان نے کہا کہ مجھے انوشکا شرما کا ہم شکل نہ کہا جائے ، مجھے یہ بات پسند نہیں ہے۔ انہوں نے کہا مجھے انوشکا شرما نہیں رمشا خان بننا ہے۔ رمشا خان نے کہا کہ اس سے قبل بھی میں کہہ چکی ہوں کہ مجھے رمشا خان کے نام سے ہی جانے جانا اور پہچان بنانا پسند ہے۔اس سے قبل بھی رمشا خان نے انسٹاگرام لائیو سیشن کے دوران انوشکا کا ہم شکل قرار دیئے جانے پر ناپسندیدگی کا اظہار کیا اور کہا کہ انوشکا شرما خوبصورت ہیں لیکن برائے مہربانی ان سے میرا موازنہ کرنا بند کریں۔