کراچی (نیوز ڈیسک) معروف اداکار، پروڈیوسر اور ہدایات کار یاسر نواز نے مسلم لیگ ن کی نائب صدر مریم نواز کو سمجھدار اور باوقار خاتون سیاستدان قرار دیتے ہوئے کہا کہ وہ دیکھنے میں جوان لگتی ہیں۔ ایک ویب شو میں میزبان نے یاسر نواز کے سامنے مختلف مشہور شخصیات کا نام لے کر ان سے رائے طلب کی کہ ان شخصیات کو دیکھ کر کیا ذہن میں آتا ہے جس کے جواب میں یاسر نواز نے دلچسپ جوابات دیئے۔لیگی رہنما سے متعلق یاسر کا کہنا تھا کہ مریم نواز کو جوان تو نہیں کہہ سکتا لیکن وہ دکھنے میں جوان لگتی ہیں جبکہ مریم نواز ایک سمجھدار اور باوقار سیاستدان ہیں۔سابق وزیراعظم نواز شریف سے متعلق سوال پر یاسر نواز کا کہنا تھا نواز شریف کو دیکھ کر نہاری اور پھجے کے پائے ذہن میں آتے ہیں۔یاسر نواز کے مطابق معروف اداکار ہمایوں سعید کو ذہن میں رکھوں تو بیوی، بیوی کا خوف اور پکڑے جانے کا ڈر ذہن میں گردش کرنے لگتا ہے۔عامر لیاقت سے متعلق پوچھے گئے سوال پر یاسر نواز کا کہنا تھا کہ انھیں دیکھ کر شادیاں ، شہنائیاں اور اسٹیج ہی ذہن میں آتے ہیں۔
مریم نوازسمجھدار اور باوقار سیاستدان ہیں ، یاسر نواز








