نئ دہلی(مانیٹرنگ ڈیسک) بھارتی ریاست بہار شدید طوفان کی زد میں ہے، آسمانی بجلی گرنے سےچونتیس افراد ہلاک ہو گئے ۔
میڈیا رپورٹس کے مطابق طوفان سے بہار کےسولہ اضلاع میں موجود ہزاروں افراد متا ہوئے۔ طوفانی ہواؤں کی وجہ سے درجنوں مکانات تباہ جب کہ ہزاروں افراد بے گھر ہوگئے ۔مختلف مقامات پر آسمانی بجلی گرنے سے چونتیس افراد ہلاک ہوئے ۔
دوسری جانب ریاست بہار کے وزیر اعلیٰ نتیش کمار نے ہلاک ہونے والے افراد کے لواحقین کیلئے فی کس چار لاکھ روپے کی مالی امداد کا اعلان کردیا ۔
وزیراعلیٰ نے کہا کہ فصلوں اور مکانات کے نقصانات کا جائزہ لینے کیلئے حکام کو ہدایت کردی ہے جس کے بعد متاثرہ خاندانوں کو بھی امداد فراہم کی جائے گی۔