آئی فون 13 اور آئی فون 13 پرو میکس نے مبینہ طور پر 2022 کی پہلی سہ ماہی میں سب سے زیادہ فروخت ہونے والے اسمارٹ فونز کا درجہ حاصل کرلیا ہے۔یہ معلومات IDC تجزیہ کار فرانسسکو جیرونیمو کی جانب سے سامنے آئی ہیں جنہوں نے Q1 2022 میں سب سے زیادہ فروخت ہونے والے اسمارٹ فونز کی فہرست شیئر کی۔ایپل کے ایک اور ہینڈ سیٹ نے اس فہرست میں چوتھی پوزیشن حاصل کی۔ جبکہ تیسرے اور پانچویں نمبر پر سام سنگ کے ہینڈ سیٹس نے حاصل کیے۔تاہم، جیرونیمو کی طرف سے شیئر کی گئی معلومات میں ان اسمارٹ فونز کے فروخت ہونے والے یونٹس کی اصل تعداد شامل نہیں ہے۔جیرونیمو نے ٹویٹر پر معلومات پوسٹ کرتے ہوئے کہا اسمارٹ فون مارکیٹ میں ایپل کا 2022 کے پہلے سہ ماہی پر غلبہ تھا جس میں آئی فون 13 سب سے اوپر تھا۔اس کے بعد آئی فون 13 پرو میکس سیکنڈ پوزیشن پر میں 6.7 انچ ڈسپلے کے ساتھ آتا ہے۔دریں اثنا، 6.1 انچ اسکرین والا آئی فون 13 پرو چوتھا مقام حاصل کرنے میں کامیاب رہا جو یہ تجویز کرسکتا ہے کہ ایپل کے صارفین قدرے بڑے ڈسپلے کے لیے اضافی ادائیگی کرنے کو تیار ہیں۔ٹویٹ میں یہ بھی بتایا گیا ہے کہ آئی فون 13 کی فروخت اس سہ ماہی میں تقریباً 42 بلین ڈالرز تھی۔