راولپنڈی: چیئرمین جوائنٹ چیفس آف سٹاف کمیٹی جنرل ساحر شمشاد مرزا نےماسکومیں روس کے نائب وزیردفاع کرنل جنرل الیگزینڈر فومین، روسی فیڈریشن کی سلامتی کونسل کے ڈپٹی سیکرٹری الیگزینڈر وینڈیکٹوف اور روسی مسلح افواج کے چیف آف جنرل اسٹاف کرنل جنرل ایس وائی اسٹراکوف سے ملاقاتیں کیں۔آئی ایس پی آرکے مطابق ملاقاتوں کے دوران فریقین نے رابطے، تجارت، توانائی اور سلامتی سمیت متعدد شعبوں میں تعاون بڑھانے پر کام کرنے کی اہمیت پر زور دیا۔ فریقین نے باہمی دلچسپی کے شعبوں بشمول دوطرفہ عسکری و عسکری تکنیکی تعاون، علاقائی سلامتی کی صورتحال اور دہشت گردی کی لعنت پر تبادلہ خیال کیا۔ دونوں اطراف نے دوطرفہ عسکری تعلقات کو مضبوط بنانے میں دلچسپی کا اظہار کیا۔