ممبئی (نیوز ڈیسک )بالی ووڈ کی معروف فلم ’ اوم شانتی اوم‘ کے گانے گانے والے مشہور گلورکار ” کرشنا کمار کناتھ ‘ ‘ کنسرٹ کے دوران طبیعت خراب ہونے کے بعد انتقال کر گئے ۔تفصیلات کے مطابق گلوکار کرشنا کمار کناتھ کی عمر محض 53 برس تھی ،

وہ کنسرٹ کے سلسلے میں دو روز ہ دورے پر کولکتہ آئے تھے ، جب انہیں ہسپتال لے جایاگیا تو وہ دنیا سے رخصت ہو چکے تھے ۔ان کی موت ممکنہ طور پر ہارٹ اٹیک سے ہوئی ۔بھارتی میڈیا کے مطابق کے کے کی طبیعت کنسرٹ کے دوران ہی خراب ہونا شروع ہو گئی اور انہوں نے ا س سے متعلق شکایت بھی لیکن وہ اس کے باوجود پرفارم کرتے رہے ، کنسرٹ کے بعد وہ اپنے فائیو سٹار ہوٹل چلے گئے جہاں ان کی حالت مزید بگڑ گئی ، ہوٹل سے انہیں ہسپتال لے جایا گیا

لیکن وہ راستے میں ہی دم توڑ گئے ۔یاد رہے کہ تین روز قبل بھارتی پنجاب کے معروف گلوکار سدھو موسے والا کو گولیاں مار کر قتل کر دیا گیا تھا جن کی آخری رسومات گزشتہ روز ان کے آبائی گاؤں میں اداکر دی گئیں جس میں بھاری تعداد میں گلوکار کے چاہنے والوں نے شرکت کی جبکہ پولیس نے بھی کارروائی کے دوران قتل میں ملوث ملزمان کو گرفتار کر لیاہے ۔