لاہور (ویب ڈیسک) بنگالی فلموں سے متاثر ہو کر چوری کی وارداتیں کرنے والے چھوٹو گینگ کو گرفتار کر لیا گیا ہے۔

ایس پی ماڈل ٹاؤن لاہور کے مطابق، کوٹ لکھپت پولیس نے خفیہ اطلاع پر بروقت کارروائی کرتے ہوئے تہت سوسائٹی گیٹ نمبر 1 کے قریب نقب زنی کے لیے موجود 2 رکنی گینگ کو گرفتار کیا۔ ملزمان نے اعتراف کیا کہ وہ بنگالی فلموں سے متاثر ہو کر نقب زنی اور چوری کی سرگرمیاں انجام دیتے تھے۔

ملزمان، شاواز اور علی حمزہ، تہت سوسائٹی میں واقع ایک گھر میں نقب زنی کی کوشش کے دوران گیٹ کے پاس چھپے ہوئے تھے۔ دونوں ملزمان کے خلاف مقدمہ درج کر کے تفتیش جاری ہے۔ ایس پی ماڈل ٹاؤن نے کہا کہ جرائم کی روک تھام کے لیے مؤثر کارروائیاں جاری رکھی جائیں گی۔