نیویارک (نیوز ڈیسک )پاکستانی اداکارہ امر خان نے بالی وڈ فلموں کے معروف وِلن اشیش ودیارتھی سے ملاقات کی ویڈیو شیئر کردی۔امر خان ان دنوں نیویارک میں موجود ہیں جہاں سے انہوں نے انسٹاگرام اسٹوری پر اشیش ودیارتھی کے ہمراہ ایک ویڈیو شیئر کی۔ویڈیو میں امر خان اپنے مداحوں کو بتارہی ہیں کہ ‘یہ بھارتی اداکار، جنہیں میں بچپن سے فلموں میں دیکھ رہی ہوں،
آج مجھے نیویارک میں ملے ہیں’۔امر خان نے اشیش ودیارتھی سے کہا کہ ‘مجھے آپ کے تمام کرداروں کے نام یاد ہیں، آپ ناصرف فلموں کے بہترین اداکار ہیں بلکہ آپ زبردست تھیٹر اداکار بھی ہیں’۔ویڈیو کے اختتام پر امر خان نے بالی وڈ اداکار کو یہ بھی بتایا کہ وہ بھی ایک اداکارہ ہیں جس پر اشیش ودیارتھی نے ان کے لیے نیک خواہشات کا اظہار کیا۔
واضح رہے کہ اشیش ودیارتھی نے بالی وڈ کی کئی فلموں میں وِلن کا کردار ادا کیا جس میں بچھو، کہو نا پیار ہے، جیت، ضدی اور بادل وغیرہ شامل ہیں۔
#AmarKham met Bollywood actor #AshishVidyarthi in New York and what a fun meet up with our favorite childhood villain 😍 @iamamarkhan @AshishVid #neptpkofficial
#Bichoo #Bollywood #Lollywood #actor #Actress #AmarKhan #AsishVidyarthi #celebrities pic.twitter.com/Codny09sqP— 𝐍𝐞𝐩𝐭𝐮𝐧𝐞'𝐬 𝐏𝐤 𝐎𝐟𝐟𝐢𝐜𝐢𝐚𝐥 🇵🇰 (@NeptpkOfficial) June 3, 2022









