ممبئی(مانیٹرنگ ڈیسک) بالی ووڈ کے عالمی شہرت یافتہ اداکار دبنگ خان (سلمان خان) اور ان کے والد سلیم خان کو بھی دھمکی آمیز خط مل گیا ہے۔ پولیس نے مقدمہ درج کر کے تفتیش شروع کردی ۔ بھارت کے مؤقر نشریاتی ادارے’’ این ڈی ٹی وی‘‘کے مطابق بالی ووڈ اداکار سلمان خان اور ان کے والد معروف کہانی کار سلیم خان کو دھمکی آمیز خط موصول ہوا ہے۔ دھمکی آمیز خط ملنے پر ممبئی پولیس نے باقاعدہ مقدمہ درج کر کے تفتیش و تحقیق شروع کردی ہے تاہم ابھی تک یہ نہیں معلوم ہو سکا ہے کہ دھمکی کس شخص یا گروہ کی جانب سے دی گئی ہے۔