بنکاک (نیوز ڈیسک)پاکستان کی پہلی مکسڈ مارشل آرٹس فائٹر انیتا کریم نے انٹرنیشنل مقابلے میں آسٹریلین حریف کو شکست دے دی۔
بنکاک کے لمپینی اسٹیڈیم میں فیئر ٹیکس فیئر پروموشن کے تحت کھیلے گئے میچ میں انیتا نے آسٹریلیا کی یوئن ہا کو کو چاروں شانے چت کردیا اور انہیں متفقہ طور پر میچ کا فاتح قرار دیا گیا۔
ہنزہ سے تعلق رکھنے والی فائٹر نے بینڈ وڈتھ فائٹ کے تینوں راؤنڈز میں اپنے حریف کو شکست دی اور ان کے بھائی نے سوشل میڈیا پر اپ ڈیٹ کے ذریعے سب کو ان کے اس کارنامے کے حوالے سے آگاہ کیا۔
Anita Karim from #GilgitBaltistan #Pakistan won her match, in a spectacular fashion, against Australia’s Uyen Ha in Bangkok.
A feather in the hat of PAK’s first female professional #MMA athlete.
🇵🇰💪🏽@karimanitamma @ARYSports_Web @geonews_sport pic.twitter.com/ksnTQQ1eNV— Ehtisham Karim Shaheen (@FightFortress) June 11, 2022
انہوں نے بتایا کہ انیتا اس مشہور اسٹیڈیم میں فائٹ کا اعزاز حاصل کرنے والی پاکستان کی پہلی اور واحد ایم ایم اے فائٹر ہیں۔
اس کے بعد انیتا نے خود بھی اپنی فتح سے متعلق اپ ڈیٹ کی اور اور ساتھ میں میچ کا ویڈیو کلپ بھی شیئر کیا۔
ان کا کہنا تھا کہ اللہ کا بہت شکر ہے اور سب لوگوں کا شکریہ جنہوں نے محبت دی اور تعاون کیا، انہوں نے اس یادگار فتح پر اپنی ٹیم کو بھی سراہا۔
سوشل میڈیا صارفین نے بھرپور جوش و جذبے سے فائٹ کرنے والی قوم کی اس بیٹی کو شاندار پرفارمنس پر مبارکباد دی۔
انیتا کریم پاکستان کی پہلی انٹرنیشنل ایم ایم اے فائٹر ہیں جو متعدد قومی اور بین الاقوامی مقابلے جیت چکی ہیں۔
ایم ایم اے پاکستان میں بہت زیادہ مقبول کھیل نہیں بالخصوص پاکستانی معاشرے میں خواتین میں یہ کھیل زیادہ مقبول نہیں ہے۔
Another one, Alhumdulillah 🇵🇰👊🏽♥️
All praises to the Almighty☝🏽and a big thank you to everyone who showed love and support 🙏🏽
Huge shoutout to my team @fairtexofficial for the knowledge and pushing me every single day to get better! #teamfightfortress #anitakarim pic.twitter.com/E4R2dlt1Y1— Anita Karim (@karimanitamma) June 12, 2022
ابتدائی طور پر ان کے پاس ٹریننگ کے لیے کوئی خاتون ساتھی نہ تھا تو انہوں نے اپنے بھائی احتشام اور دیگر مرد ساتھیوں کے ساتھ مل کر تیاری کی ۔
جب انیتا ہنزہ سے اسلام آباد آئیں تو انہیں اعلیٰ تعلیم کے حصول اور ایم ایم اے فائٹر میں سے کسی ایک کے انتخاب کی پیشکش کی گئی اور انہوں نے اس مشکل راہ میں حائل چیلنجز کے باوجود ایم ایم اے فائٹر بننے کا انتخاب کیا۔
انہوں نے اپنے بھائیوں علومی کریم، احتشام کریم اور علی سلطان کے ساتھ مل کر ’فائٹ فورٹریس‘ نامی ایم ایم اے جم کی بنیاد رکھی جو پاکستان میں ایم ایم اے کے پہلے ٹریننگ سینٹرز میں سے ایک ہے۔
