کراچی (نیوز ڈیسک) ملک میں سونے کی قیمت میں ایک بار پھر اضافہ ہوگیا، 2900 روپے اضافے کے بعد فی تولہ 362200 روپے تک پہنچ گیا۔

آل پاکستان صرافہ جیمز اینڈ جیولرز ایسوسی ایشن کے مطابق دس گرام سونے کی قیمت 2487 روپے اضافے سے 310528 روپے ہو گئی۔

عالمی مارکیٹ میں فی اونس سونا 29 ڈالر اضافے کے بعد 3395 ڈالر پر پہنچ گیا ہے۔

گزشتہ روز 24 قیراط خالص سونے کی فی تولہ قیمت 1300 روپے اضافے سے 359300 روپے ہوگئی تھی۔

اسی طرح 24 قیراط 10 گرام سونا 1,114 روپے مہنگا ہو کر 308,041 روپے میں فروخت ہوا جبکہ 22 قیراط 10 گرام سونے کی قیمت 1,022 روپے اضافے سے 282,381 روپے ہو گئی۔