نئی دہلی (نیوز ڈیسک)بھارتی کرکٹ ٹیم کے کپتان روہت شرما کا کووڈ ٹیسٹ مثبت آگیا۔

روہت شرما کو کووڈ ہونے کی تصدیق بھارتی کرکٹ بورڈ کی جانب سے ٹوئٹر پر کی گئی۔

بی سی سی آئی نے اپنی ٹوئٹ میں بتایا کہ روہت شرما کا ہفتے کو کیے جانے والا ریپڈ ٹیسٹ مثبت آیا ہے جس کے بعد کپتان انگلینڈ کے ہوٹل میں آئسولیشن میں رہیں گے۔

UPDATE – #TeamIndia Captain Mr Rohit Sharma has tested positive for COVID-19 following a Rapid Antigen Test (RAT) conducted on Saturday. He is currently in isolation at the team hotel and is under the care of the BCCI Medical Team.

— BCCI (@BCCI) June 25, 2022

بھارتی کرکٹ بورڈ کے مطابق روہت شرما کا آج پی سی آر ٹیسٹ کیا جائے گا۔

روہت شرما کے کورونا وائرس کا شکار ہونے کی خبر لیسٹر شائر میں وارم اپ میچ کے تیسرے روز سامنے آئی، انگلینڈ کے لیے روانگی سے قبل بھارت میں ہی اسپنر روی چندرن ایشون کا کووڈ ٹیسٹ مثبت آیا تھا۔

واضح رہے کہ انگلینڈ اور بھارت کے درمیان ٹیسٹ میچ یکم جولائی سے ایجبسٹن میں کھیلا جائے گا، یہ ٹیسٹ میچ گزشتہ برس کووڈ 19 کی وجہ سے ختم کی جانے والی سیریز کا آخری ٹیسٹ میچ ہے۔