لاہور(نیوز ڈیسک)لاہور میں قومی اسمبلی کے حلقہ این اے 129 کے ضمنی انتخاب کے پیشِ نظر مسلم لیگ (ن) کے قائد میاں نواز شریف نے پارٹی کے بڑے سیاسی دھڑوں کو یکجا کرنے کی اہم ذمہ داری خواجہ سعد رفیق کو سونپ دی ہے۔

اختلافات ختم کرنے کا مشن

پارٹی ذرائع کے مطابق نواز شریف نے سعد رفیق کو ہدایت دی ہے کہ وہ حلقے کے چاروں اہم دھڑوں میں مصالحت کرائیں اور اختلافات کو ختم کرکے سب کو ایک پیج پر لے آئیں۔ اس سلسلے میں سعد رفیق پہلے ہی حافظ میاں نعمان، رانا مشہود، مہر اشتیاق اور چوہدری باقر سے ملاقات کرچکے ہیں۔

 نواز شریف کا واضح پیغام

خواجہ سعد رفیق نے ملاقات کے دوران پارٹی رہنماؤں کو نواز شریف کا پیغام پہنچایا کہ:

“اختلافات بالائے طاق رکھ کر ٹکٹ ہولڈر امیدوار میاں نعمان کی مکمل حمایت کریں۔”

 انتخابی مہم کی نگرانی

ذرائع کا کہنا ہے کہ نواز شریف نے انتخابی مہم کے تمام معاملات کی براہِ راست نگرانی کی ذمہ داری بھی سعد رفیق کو سونپی ہے۔ آج وہ مسلم لیگ (ن) کے انتخابی دفتر کا افتتاح بھی کریں گے۔

 سیاسی تجزیہ

این اے 129 لاہور مسلم لیگ (ن) کے لیے ایک اہم حلقہ سمجھا جا رہا ہے۔ پارٹی کی اعلیٰ قیادت چاہتی ہے کہ اختلافات ختم کرکے اکھٹا ووٹ بینک مضبوط بنایا جائے تاکہ ضمنی انتخاب میں واضح برتری حاصل کی جا سکے۔