اسلام آباد (نیوز ڈیسک) وزیراعظم شہباز شریف نے دریائے چناب، ستلج اور راوی میں شدید سیلاب کے خدشے پر وفاقی وزراء کو خصوصی ہدایات جاری کر دیں۔ انہوں نے وزراء کو کہا کہ وہ فوری طور پر پنجاب کے متاثرہ علاقوں کا دورہ کریں اور امدادی کارروائیوں کی براہِ راست نگرانی کریں۔
سیلاب میں بہہ کر کئی مویشی بھی پاکستان پہنچ گئے#FloodAlert #Ravi #Kasur #Narowal #Punjab #FloodsInPakistan #Flood #Floods #Flood2025 #FloodRelief pic.twitter.com/nqYlA6x2N2
— HaMza Naseer Ghazi (@HamzaNGhazi) August 27, 2025
وزیراعظم نے چیئرمین این ڈی ایم اے کو ہدایت دی کہ وہ پی ڈی ایم اے کے ساتھ قریبی رابطہ رکھیں اور مکمل معاونت فراہم کریں۔ انہوں نے متاثرہ عوام کو بروقت اطلاعات دینے اور محفوظ مقامات پر انخلا کے عمل کو تیز کرنے پر زور دیا۔
شہباز شریف نے کہا کہ امدادی سرگرمیوں کی رفتار مزید بڑھائی جائے اور اداروں کے درمیان تعاون کو مضبوط بنایا جائے تاکہ جانی و مالی نقصان کم سے کم رکھا جا سکے۔
