وزیراعظم محمد شہباز شریف پنجاب کے سیلاب سے متاثرہ علاقوں کے دورے پر روانہ ہوگئے۔ روانگی سے قبل اور فضائی جائزے کے دوران چیئرمین این ڈی ایم اے لیفٹیننٹ جنرل انعام حیدر نے ملک میں مجموعی سیلابی صورتحال پر وزیراعظم کو تفصیلی بریفنگ دی۔
بریفنگ میں وزیراعظم کو دریاؤں میں طغیانی اور زیرِ آب علاقوں میں جاری ریسکیو و ریلیف آپریشنز سے آگاہ کیا گیا۔ وزیراعظم کے ہمراہ وزیراعلیٰ پنجاب مریم نواز شریف بھی لاہور سے نارووال روانہ ہوئیں۔ دوران سفر وزیراعظم اور وزیراعلیٰ کو سیلابی صورتحال پر مزید تفصیلات فراہم کی گئیں۔
وزیراعظم نے فضائی جائزے کے دوران ہدایت کی کہ متاثرہ علاقوں میں بچاؤ اور ریلیف آپریشن کے لیے تمام ضروری اقدامات کو یقینی بنایا جائے۔ وزیراعظم اور وزیراعلیٰ کو نارووال میں سیلابی صورتحال پر مزید تفصیلی بریفنگ دی جائے گی۔
PM Shehbaz Sharif, along with CM Maryam Nawaz, undertook an aerial visit of Punjab’s flood-hit areas. Kartarpur Darbar seen submerged. NDMA briefed on river flooding, rescue & relief ops. PM directed urgent measures for protection & relief. #Flood #FloodsInPakistan #Floods #NDMA pic.twitter.com/Oaxk7Y2aGR
— Shakeel Ahmed (@shakeel_ahmed9) August 28, 2025
