وزیراعلیٰ پنجاب مریم نواز شریف نے سیلاب کے خطرات کی زد میں آنے والے عوام سے اپیل کی ہے کہ وہ فوری طور پر انتظامیہ سے تعاون کریں اور محفوظ مقامات پر منتقل ہو جائیں۔
وزیراعلیٰ نے کہا کہ اس وقت سب سے پہلی ترجیح عوام کی جان کا تحفظ ہے، لہٰذا شہری انتظامیہ اور ریسکیو کرنے والے اداروں کے ساتھ بھرپور تعاون کریں۔
Historic rise in River Ravi’s water level, flow between 211,330–219,760 cusecs. On CM Maryam Nawaz’s instructions, rescue & relief operations are in full swing. Ministers and MPAs on ground, over 20,000 people evacuated in 24 hours. pic.twitter.com/gNqF9oaoB1
— PMLN (@pmln_org) August 29, 2025
انہوں نے یقین دہانی کرائی کہ گھروں، فصلوں اور مویشیوں کے نقصانات کا شفاف تخمینہ لگایا جا رہا ہے اور کسی متاثرہ شخص کو اس کے حق سے محروم نہیں کیا جائے گا۔
مریم نواز شریف نے وعدہ کیا کہ پنجاب کے تمام متاثرین کے نقصانات کا ازالہ کیا جائے گا اور ہر شخص کو اس کا حق دیا جائے گا۔ انہوں نے مزید کہا کہ خدارا سیلاب کی زد میں آئے علاقوں کے لوگ اپنی اور اپنے بچوں کی زندگیوں کی حفاظت کو اولین ترجیح دیں۔
