جھنگ (ویب ڈیسک)دریائے چناب کا سیلابی ریلا سیالکوٹ، وزیرآباد اور چنیوٹ میں تباہی مچانے کے بعد جھنگ میں داخل ہوگیا، جہاں 180 دیہات ڈوب گئے۔

متاثرہ علاقوں میں خواتین اور بچے کھلے آسمان تلے رات گزارنے پر مجبور ہیں۔ متاثرین کے مطابق کھانے پینے کے لیے کچھ دستیاب نہیں اور اب تک کوئی امداد نہیں پہنچی۔

سیلاب سے سیکڑوں ایکڑ پر کھڑی فصلیں تباہ اور رابطہ سڑکیں پانی میں بہہ گئیں۔ مقامی انتظامیہ اور ریسکیو ٹیموں نے کشتیوں کے ذریعے پھنسے افراد کو محفوظ مقامات پر منتقل کیا۔

ملتان میں بھی صورت حال سنگین ہوگئی، تحصیل شجاع آباد کی فصلوں میں پانی داخل ہونے سے 140 دیہات متاثر ہوئے ہیں۔