اسلام آباد(مانیٹرنگ ڈیسک)وزیر اعظم شہبازشریف نے کہا ہے کہ وفاقی کابینہ نے افغان شہریوں کے لیے ویزا نظام میں تبدیلی کی منظوری دے دی ہے،ویزہ نظام میں اس سہولت کا مقصد دونوں ممالک کو قریب لانا، افغان عوام کی مدد کرنا اور وسط ایشیا کے وسیع خطے سے کاروبار اور سرمایہ کاری کو راغب کرنا ہے۔بدھ کو اپنے ٹویٹ میں انہوں نے کہا کہ اب ہمارے سفارت خانے ان کی موجودہ شہریت کی بنیاد پر ان کی ویزا درخواستوں پر کارروائی کریں گے۔افغان ڈرائیورز اور ٹرانسپورٹرز کو 48 گھنٹوں کے اندر ایک سال کے لیے ملٹی پل ویزا مل جائے گا۔وزیر اعظم نے کہا کہ ویزہ نظام میں اس سہولت کا مقصد دونوں ممالک کو قریب لانا، افغان عوام کی مدد کرنا اور وسط ایشیا کے وسیع خطے سے کاروبار اور سرمایہ کاری کو راغب کرنا ہے۔انہوں نے کہا کہ میں نے وزارت داخلہ کو مزید آزاد ویزا پالیسی پر کام کرنے کی ہدایت کی ہے۔

This facilitation in the visa regime is aimed at bringing both countries closer, helping Afghan people & attracting business and investment from wider Central Asian region. I have directed Interior Ministry to work on a more liberal visa policy. https://t.co/53gloeyBPC

— Shehbaz Sharif (@CMShehbaz) June 29, 2022