اسلام آباد(نیوز ڈیسک) مسلم لیگ ن کےرہنماعابد شیرعلی بلامقابلہ سینیٹر منتخب ہوگئے۔تفصیلات کےمطابق عابد شیر علی کےبلا مقابلہ سینیٹر منتخب ہونے کا باضابطہ اورحتمی اعلان الیکشن کمیشن کرے گا،عابدشیرعلی نے سینٹ کی جنرل نشست پرکاغذات نامزدگی جمع کروائےتھے۔پنجاب کی جنرل نشست پرہونےوالےسینٹ کےضمنی الیکشن میں کاغذات نامزدگی کی جانچ پڑتال کا عمل مکمل ہوگیا،مجموعی طور پر تین امیدوراں نےکاغذات نامزدگی جمع کروائے،ان میں عابد شیر علی، احسن افضل خان اور عبدالجبارشامل ہیں۔
احسن افضل اورعبدالجبار نےکاغذات نامزدگی نامزدگی واپس لے لیےجس کےبعدمسلم لیگ ن کے رہنما عابد شیرعلی بلامقابلہ سینیٹرمنتخب ہوئے،تحریک انصاف کی جانب سےکسی نےکاغذات جمع نہیں کروائے،یہ نشست ن لیگ کےعرفان صدیقی کی وفات کے باعث خالی ہوئی تھی۔وزیراعظم شہبازشریف نے عابدشیرعلی کو بلامقابلہ سینیٹر منتخب ہونےپرمبارکباد پیش کی ہے، کہااللہ کے فضل وکرم سےمسلم لیگ ن کوہرمحاذپرفتح نصیب ہورہی ہے،عابدشیرپارٹی کےسرگرم رہنماہیں،گزشتہ ادوارمیں عوامی خدمت سےاپنانام بنایا،عابد شیرعلی بطورسینیٹرملکی تعمیروترقی،عوامی خدمت کیلئے کرداراداکریں گے۔
