ماسکو(مانیٹرنگ ڈیسک )امریکہ اور یورپی ممالک کی جانب سے مختلف اقتصادی پابندیوں کے بعد روس نے بھی غیر ملکی مصنوعات کی برآمدات پر پابندی عائد کر دی ۔بین الاقوامی میڈیا کے مطابق روسی حکومت نے 200 سے زائد مصنوعات کی برآمدات کو 2022 کے آخر تک عارضی طور پر ممنوع قرار دے دیا گیا ہے۔روس حکومت کے جاری کردہ تحریری بیان کے مطابق 200 سے زائد مصنوعات کی برآمدات کو 2022 کے آخر تک عارضی طور پر ممنوع قرار دے دیا گیا ہے۔بیان کے مطابق مذکورہ مصنوعات میں ٹیکنالوجی ٹیلی کمیونیکیشن، طب، آٹو موبیل ، زراعت اور الیکٹرانک کا سامان شامل ہے۔ جن مصنوعات کی برآمد ممنوع قرار دی گئی ہے ان میں ریلوے رسل و رسائل کا سامان، کنٹینرز، ٹربائنیں اور دھات اور پتھر کے کام سے متعلقہ مشینیں بھی شامل ہیں۔ علاوہ ازیں مانیٹروں، پروجیکٹروں، کونسولوں اور پینلوں کی برآمدات بھی روک دی گئی ہیں۔ بیان کے مطابق مذکورہ مصنوعات کی برآمدات پر پابندی یوریشیاء اقتصادی یونین ممالک خارج دیگر سب ممالک کا احاطہ کرتی ہے۔ اس کے علاوہ روس کے ساتھ غیر دوستانہ ممالک کے لئے ٹِمبر کی برآمد بھی عارضی طور پر بند کر دی گئی ہے۔واضح رہے کہ روس کے صدر ولادیمیر پیوٹن نے 8 مارچ کو بعض مصنوعات اور خام مادوں کی برآمدات بند کرنے کا حکم جاری کر دیا تھا۔