اسلام آباد:(نیوزڈیسک) نائب وزیرِ اعظم و وزیرِ خارجہ سینیٹر محمد اسحاق ڈار نے ایران کے وزیرِ خارجہ سید عباس عراقچی سے ٹیلی فونک گفتگو کی۔ گفتگو کے دوران دونوں رہنماؤں نے مختلف شعبوں میں دوطرفہ تعاون کا جائزہ لیا اور علاقائی صورتحال پر تبادلۂ خیال کیا۔
دفتر خارجہ کے مطابق دونوں فریقین نے تجارت، رابطہ کاری (کنیکٹیویٹی) اور عوامی روابط کے شعبوں میں تعاون کو مزید مضبوط بنانے کے عزم کا اعادہ کیا۔ اس کے علاوہ انہوں نے علاقائی امن و ترقی کے لیے قریبی تعاون جاری رکھنے کا بھی اظہار کیا۔
