کراچی جنوبی کی ایڈیشنل ڈسٹرکٹ اینڈ سیشن عدالت نے ایک خاتون سے پلاٹ کی خرید و فروخت کے نام پر فراڈ کرنے والے ملزم کی عبوری ضمانت منسوخ کر دی۔
عدالت کے فیصلے کے فوراً بعد ملزم گرفتاری سے بچنے کے لیے کمرۂ عدالت سے فرار ہو گیا۔
مدعیہ نے عدالت کو بتایا کہ ملزم نے پلاٹ کے لین دین کے دوران ایک کروڑ روپے کا فراڈ کیا۔ ان کے مطابق جو لیٹر انہیں دیا گیا تھا وہ بعد میں جعلی ثابت ہوا، جبکہ ملزم رقم کیش کروا کر غائب ہو گیا۔
عدالت نے کیس کی مزید سماعت کے لیے قانونی کارروائی جاری رکھنے کا حکم دے دیا ہے، جبکہ ملزم کی گرفتاری کے لیے اقدامات متوقع ہیں۔
کراچی: خاتون سے ایک کروڑ روپے کے فراڈ کا معاملہ، ضمانت منسوخ ہوتے ہی ملزم عدالت سے فرار
