ترکی کی مشہور سوشل میڈیا انفلوئنسر کبریٰ کارااصلان ایک دل دہلا دینے والے واقعے میں 26 مارچ 2026 کو جان کی بازی ہار گئیں۔
رپورٹس کے مطابق 21 سالہ کبریٰ نے عثمان غازی پل، جو گیبزے میں واقع ہے، سے مبینہ طور پر چھلانگ لگائی۔ عینی شاہدین نے بتایا کہ دن کے وقت کبریٰ کو پل کی حفاظتی ریلنگ پر چڑھتے دیکھا گیا، جس پر موجود افراد اور ڈرائیورز نے فوراً اپنی گاڑیاں روک کر انہیں بچانے کی کوشش کی۔
سوشل میڈیا پر وائرل ویڈیو میں دیکھا جا سکتا ہے کہ کئی افراد کبریٰ کو یہ قدم اٹھانے سے روکنے کی کوشش کرتے رہے اور کئی دیر تک انہیں سمجھانے کی کوشش کی، لیکن وہ نہ مانی اور پل سے نیچے پانی میں کود گئیں۔
ریسکیو ٹیمیں فوری طور پر موقع پر پہنچیں اور کبریٰ کو قریبی اسپتال منتقل کیا گیا، تاہم وہ جانبر نہ ہو سکیں اور ڈاکٹروں نے انہیں مردہ قرار دیا۔
کبریٰ کارااصلان اپنی لائف اسٹائل پوسٹس اور ترک فٹبال کلب کے لیے شوقین ہونے کی وجہ سے سوشل میڈیا پر خاصی مقبول تھیں، اور ان کے ہزاروں فالوورز تھے۔ ان کی اچانک موت نے مداحوں اور سوشل میڈیا صارفین کو صدمے میں مبتلا کر دیا ہے، اور لوگ اس واقعے پر گہرے دکھ اور افسوس کا اظہار کر رہے ہیں۔