مشہور کامیڈی شو The Great Indian Kapil Show کے ایک آنے والے خصوصی ایپی سوڈ نے سوشل میڈیا پر خاصی توجہ حاصل کر لی ہے، جہاں معروف کامیڈین Samay Raina اور یوٹیوبر Ranveer Allahbadia ایک طویل عرصے بعد ایک ساتھ نظر آئیں گے۔

یہ ایپی سوڈ ورلڈ لافٹر ڈے کے موقع پر نشر کیا جائے گا اور 2 مئی کو Netflix پر اسٹریم ہوگا۔ شو کے جاری کردہ پرومو میں دکھایا گیا ہے کہ سمے رائنا اپنے انداز میں شو میں آنے کا اعلان کرتے ہیں اور کہتے ہیں کہ انہیں معلوم نہیں کہ اس بار ان کے ساتھ مہمان کون ہوگا۔ اسی دوران اچانک رنویر اللہ بادیا اسٹیج پر آ جاتے ہیں، جس پر سمے حیران رہ جاتے ہیں۔

پرومو کے جاری ہوتے ہی سوشل میڈیا پر مداحوں کی جانب سے ملا جلا ردعمل سامنے آیا، جبکہ کئی صارفین نے اسے شو کا ایک دلچسپ اور تفریح سے بھرپور ایپی سوڈ قرار دیا ہے۔ پلیٹ فارم کی جانب سے پرومو کے ساتھ کیپشن میں “ورلڈ لافٹر ڈے پر قہقہوں کی ڈبل ڈوز” کا وعدہ کیا گیا ہے۔

شو کے میزبان Kapil Sharma نے بھی اس خصوصی ایپی سوڈ کے حوالے سے گفتگو کرتے ہوئے کہا کہ ناظرین کی محبت ہی انہیں ہر بار کچھ نیا اور دلچسپ پیش کرنے کی ترغیب دیتی ہے۔ ان کے مطابق یہ ایپی سوڈ قدرتی مزاح اور بھرپور تفریح سے مزین ہوگا، جس میں سمے اور رنویر اپنی منفرد انداز میں شامل ہوں گے۔

مزیدپڑھیں:نارمل پاسپورٹ کے اجرا کی مدت 21 سے کم کرکے 14 دن کر دی گئی

یاد رہے کہ دونوں شخصیات کی یہ مشترکہ شرکت ایک ایسے وقت میں سامنے آئی ہے جب ماضی میں ایک شو کے حوالے سے تنازع بھی سامنے آیا تھا، جس کے بعد سوشل میڈیا پر خاصی بحث دیکھنے میں آئی تھی۔ تاہم بعد ازاں معاملات معمول پر آ گئے اور رنویر اللہ بادیا نے اپنی سرگرمیاں دوبارہ شروع کر دی تھیں۔
تفریحی حلقوں کے مطابق اس ایپی سوڈ کی ریلیز سے قبل ہی مداحوں میں خاصا جوش و خروش پایا جا رہا ہے، اور توقع کی جا رہی ہے کہ یہ پروگرام ورلڈ لافٹر ڈے کے موقع پر ناظرین کو بھرپور تفریح فراہم کرے گا۔