پشاور میں گفتگو کرتے ہوئے چیئرمین پی ٹی آئی Barrister Gohar Ali Khan نے واضح کیا ہے کہ Sohail Afridi اپنے عہدے پر برقرار رہیں گے اور ان کے خلاف چلنے والی مہم کامیاب نہیں ہو سکے گی۔

میڈیا سے بات کرتے ہوئے بیرسٹر گوہر کا کہنا تھا کہ سہیل آفریدی کو پارٹی کے بانی Imran Khan نے وزیراعلیٰ خیبرپختونخوا کے لیے نامزد کیا تھا اور وہ اپنی ذمہ داریاں احسن طریقے سے نبھا رہے ہیں۔

انہوں نے ایک سوال کے جواب میں دو ٹوک انداز میں کہا کہ وزیراعلیٰ کے خلاف چلنے والی تمام کوششیں ناکام ہوں گی اور پارٹی ان کے ساتھ کھڑی ہے۔ ان کا کہنا تھا کہ سہیل آفریدی کو پی ٹی آئی کی مکمل حمایت حاصل ہے اور پارٹی کے اندر کسی بھی قسم کے فارورڈ بلاک کی باتوں میں کوئی حقیقت نہیں۔

واضح رہے کہ دو روز قبل رکن قومی اسمبلی Sher Afzal Marwat نے سہیل آفریدی کے بطور وزیراعلیٰ انتخاب کو چیلنج کرنے کا عندیہ دیا تھا، جس کے بعد سیاسی حلقوں میں بحث کا آغاز ہو گیا تھا۔