ہونڈا نے اپنی مشہور سیڈان 2026 ہونڈا سٹی کو بھارت میں باضابطہ طور پر لانچ کر دیا ہے، جس کی ابتدائی قیمت 12 لاکھ روپے (ایکس شو روم) مقرر کی گئی ہے۔

یہ اس پانچویں جنریشن ماڈل کا دوسرا بڑا فیس لفٹ ہے جو پہلی بار 2020 میں متعارف کرایا گیا تھا۔نیا ماڈل بنیادی طور پر ایک مڈ لائف اپ ڈیٹ ہے جس میں ڈیزائن، فیچرز اور ٹیکنالوجی میں نمایاں بہتری لائی گئی ہے، تاہم انجن اور میکینکل سسٹم میں کوئی تبدیلی نہیں کی گئی۔

ڈیزائن میں بڑی تبدیلیاں

نئی ہونڈا سٹی کے فرنٹ پروفائل کو مکمل طور پر ری ڈیزائن کیا گیا ہے۔ گاڑی میں اب زیادہ سلم ایل ای ڈی ہیڈ لیمپس، نئی ڈے ٹائم رننگ لائٹس اور ایک لائٹ بار شامل کیا گیا ہے جو فرنٹ گرِل کو نمایاں بناتا ہے۔ اس کے علاوہ ہنی کومب اسٹائل گرِل اور نیا بمپر اسے زیادہ اسپورٹی شکل دیتے ہیں۔

سائیڈ پروفائل میں زیادہ تبدیلی نہیں کی گئی، تاہم نئے ڈوئل ٹون 16 انچ الائے وہیلز شامل کیے گئے ہیں۔ پیچھے کی جانب بھی معمولی تبدیلیاں کی گئی ہیں جن میں نیا بمپر اور ریفلیکٹرز شامل ہیں۔ کمپنی نے اس ماڈل میں نیا کرسٹل بلیک پرل کلر بھی متعارف کرایا ہے، جبکہ پہلے سے موجود رنگ بھی برقرار رکھے گئے ہیں۔

انٹیریئر اور فیچرز

اندرونی حصے میں سب سے بڑی اپ گریڈ 10.1 انچ کا نیا ٹچ اسکرین انفوٹینمنٹ سسٹم ہے جو اب ڈیش بورڈ پر زیادہ نمایاں انداز میں نصب کیا گیا ہے۔

نئی ہونڈا سٹی میں 360 ڈگری کیمرہ اور وینٹی لیٹڈ فرنٹ سیٹس بھی شامل کی گئی ہیں۔ اس کے علاوہ گاڑی میں وائرلیس ایپل کار پلے اور اینڈرائیڈ آٹو، وائرلیس چارجنگ، ایمبیئنٹ لائٹنگ، 8 اسپیکر آڈیو سسٹم، سن روف، الیکٹرک پارکنگ بریک اور ریئر سن شیڈ جیسے فیچرز بھی موجود ہیں۔

مزیدپڑھیں:آئی پی ایل میچ میں شائقین کا چیئر لیڈرز کے ساتھ نامناسب رویہ

سیکیورٹی کے لحاظ سے گاڑی میں لیول 2 اے ڈی اے ایس، 6 ایئر بیگز، لین واچ کیمرہ، ہل اسسٹ اور دیگر جدید سیفٹی فیچرز شامل ہیں۔

انجن اور کارکردگی

نئی ہونڈا سٹی میں پرانا اور آزمودہ 1.5 لیٹر پیٹرول انجن برقرار رکھا گیا ہے جو 121 ہارس پاور اور 145 نیوٹن میٹر ٹارک پیدا کرتا ہے۔ یہ انجن 6 اسپیڈ مینوئل اور سی وی ٹی گیئر باکس کے ساتھ دستیاب ہے۔

اس کے علاوہ 1.5 لیٹر ہائبرڈ ورژن بھی موجود ہے جو 126 ہارس پاور اور 253 نیوٹن میٹر ٹارک پیدا کرتا ہے۔ کمپنی کے مطابق ہائبرڈ ماڈل تقریباً 27.26 کلومیٹر فی لیٹر کی شاندار فیول ایوریج دیتا ہے۔

قیمت اور ویرینٹس

نئی ہونڈا سٹی چار ویرینٹس میں پیش کی گئی ہے: SV، V، ZX اور ZX+۔ ہائبرڈ ورژن صرف ٹاپ ZX+ میں دستیاب ہے۔ قیمت کا آغاز 12 لاکھ روپے سے ہوتا ہے جبکہ ٹاپ ویرینٹس کی قیمت 17 لاکھ روپے سے زائد اور ہائبرڈ ماڈل کی قیمت تقریباً 21 لاکھ روپے ہے۔

یہ گاڑی اب مارکیٹ میں ہنڈائی ویرنا، اسکوڈا سلویہ اور ووکس ویگن ورٹس جیسے ماڈلز سے مقابلہ کرے گی۔

Variant	SV	V	ZX	ZX+
1.5 petrol MT	Rs 12 lakh	Rs 13.30 lakh	Rs 15.26 lakh	Rs 16.15 lakh
1.5 petrol CVT	–	Rs 14.30 lakh	Rs 16.26 lakh	Rs 17.15 lakh
1.5 strong-hybrid e:HEV	–	–	–	Rs 21 lakh