شہباز شریف (Shahbaz Sharif) نے عیدالاضحیٰ کے موقع پر ملک کی اعلیٰ سیاسی و آئینی شخصیات سے ٹیلیفونک رابطے کیے اور انہیں عید کی مبارک باد دی۔

ان رابطوں میں انہوں نے آصف علی زرداری، پنجاب، بلوچستان اور خیبر پختونخوا کے گورنرز، قومی اسمبلی کے اسپیکر اور چاروں صوبوں کے وزرائے اعلیٰ سمیت اہم سیاسی رہنماؤں سے گفتگو کی۔

وزیراعظم نے اس موقع پر وفاقی وزراء علیم خان اور خالد مگسی جبکہ سیاسی رہنما آفتاب شیرپاؤ سے بھی رابطہ کیا۔

مزید پڑھیں؛صدر مملکت اور وزیر اعظم کی قوم کو عیدالاضحیٰ کی مبارک باد

گفتگو کے دوران انہوں نے تمام رہنماؤں کو عید کی مبارک باد دیتے ہوئے ملک و قوم کی سلامتی، ترقی اور خوشحالی کے لیے دعا کی۔

شہباز شریف نے اس بات پر زور دیا کہ پاکستان کو اس وقت اتحاد، سیاسی ہم آہنگی اور ادارہ جاتی تعاون کی ضرورت ہے تاکہ عوام کو زیادہ سے زیادہ ریلیف فراہم کیا جا سکے۔

انہوں نے کہا کہ وفاقی حکومت تمام صوبوں کے ساتھ مل کر عوامی مسائل کے حل اور بہتر طرزِ حکمرانی کے لیے اپنا کردار جاری رکھے گی۔