وزیر مملکت خزانہ بلال اظہر کیانی نے شہر قائد کے تاجروں کو خوش خبری دی ہے کہ تاجروں اوردکانداروں کی سہولت کے لیے آسان ٹیکس اسکیم (Tax Scheme)متعارف کرائی گئی ہے۔

ان کا کہنا تھا کہ آسان ٹیکس اسکیم سے ٹیکس نیٹ وسیع ہوگا، اس کے تحت دکان دار سالانہ فروخت شدہ مال پر ایک فی صد ٹیکس ادا کرے گا، اور رجسٹرڈ دکانداروں کو ایف بی آر سبز رنگ کی رجسٹریشن پلیٹ دے گا۔

وزیر مملکت کے مطابق سبز رجسٹریشن پلیٹ جس دکان میں نصب ہوگی، اس میں ایف بی آر عملہ پوچھ گچھ کے لیے داخل نہیں ہو سکے گا، اور آسان ٹیکس اسکیم میں شامل دکانداروں کا عمومی طور پر آڈٹ بھی نہیں ہوگا۔

مزیدپڑھیں:کراچی، فلیٹ کا تالا کاٹ کر 3 لاکھ نقدی اور سونا چوری، ملزم کی فوٹیج سامنے آگئی

بلال اظہر نے کہا کہ اسکیم میں شامل دکاندار ود ہولڈنگ ایجنٹ بننے کے پابند نہیں ہوں گے، اس سلسلے میں ایف بی آر اور تاجر نمائندوں کے فوکل پرسنز مقرر کر دیے گئے ہیں اور ایف بی آر حکام ہر ماہ ایک ہفتہ کراچی میں موجود رہیں گے۔