پاکستان کرکٹ ٹیم کے وکٹ کیپر بیٹر محمد رضوان(Muhammad Rizwan) کو این سی سی آئی اے کا نوٹس موصول ہو گیا ہے جس کی تصدیق قریبی ذرائع نے بھی کردی ہے۔

رضوان کو 2 اکتوبر کو این سی سی آئی اے لاہور طلب کیاگیا ہے، کرکٹر کو موصول ہونے والا یہ دوسرا نوٹس ہے۔

قریبی ذرائع کے مطابق رضوان کو گھر کے ایڈریس پر نوٹس موصول ہوا، انہیں موبائل کی فارنزک کےلیے 2 اکتوبر تین بجے این سی سی آئی اے طلب کیا گیا ہے۔

ذرائع کا بتانا ہے کہ محمد رضوان اپنے وکیل کے ساتھ این سی سی آئی اے پیش ہوں گے۔

مزیدپڑھیں:مری اسکول وین حادثہ؛ جھلسنے والی 11 سالہ بچی اسپتال میں دم توڑ گئی،2 کی حالت تشویشناک

این سی سی آئی اے کے نوٹس میں مؤقف اختیار کیا گیا کہ آپ سے ضبط شدہ موبائل کا تجزیہ اور فارنزک کرنا ہے۔

قریبی ذرائع کے مطابق الزامات کی تفصیلات نوٹس میں فراہم نہیں کی گئیں، این سی سی آئی اے کو بھیجے گئے خط کا جواب موصول نہیں ہوا، رضوان این سی سی آئی اے پیشی پر اپنے اوپر لگائے گئے الزامات کی تفصیلات پوچھیں گے۔