تین ٹی 20 میچز پر مشتمل سیریز کے دوسرے میچ میں سری لنکا نے پاکستان کیخلاف ٹاس جیت کر پہلے فیلڈنگ کا فیصلہ کیا ہے۔

راولپنڈی کرکٹ سٹیڈیم میں ہونیوالے میچ میں مہمان ٹیم کے کپتان نے ٹاس جیت کر قومی کرکٹ ٹیم کے کپتان صاحبزادہ فرحان کو پہلے بیٹنگ کی دعوت دی ہے۔

پاکستان ٹیم میں ایک تبدیلی کی گئی، رضااللہ کی جگہ سلمان مرزا کو پلیئنگ الیون میں شامل کیا گیا ہے۔

تین ٹی 20 میچوں کی سیریز میں قومی ٹیم کو ایک صفر کی برتری حاصل ہے، پاکستان نے پہلے ٹی ٹوئنٹی میچ میں سری لنکا کو 4 وکٹوں سے شکست دے کر سیریز کا فاتحانہ آغاز کیا تھا۔

مزید پڑھیں:پختونخوا، نامزد اضلاع میں معزز شخصیات پر مشتمل اے آر ڈی سی سیکرٹریٹ کے قیام کا حکم

قومی ٹیم کی نظریں آج کا میچ جیت کر سیریز میں فیصلہ کن برتری حاصل کرنے پر مرکوز ہیں، جبکہ سری لنکن ٹیم سیریز برابر کرنے کیلئے میدان میں اترے گی۔