شارجہ (سپورٹس ڈیسک)متحدہ عرب امارات حکومت نے سٹیڈیم میں ہنگامہ آرائی کرنے والے افغان شائقین کے متعلق اہم بیان جاری کیا ہے۔واضح رہے کہ متحدہ عرب امارات میں جاری ایشیاء کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد افغانستان کو ایک وکٹ سے شکست دے کر فائنل کیلئے کوالیفائی کرلیا ہے۔پاکستان کی جیت کے بعد سوشل میڈیا پر افغان شائقین کی جانب سے شارجہ اسٹیڈیم میں توڑ پھوڑ اور تشدد کرنے کی مبینہ ویڈیوز سامنے آئی ہے۔مبینہ ویڈیوز میں افغان شائقین کو پاکستانی مداحوں کو کرسیوں سے حملہ کرتے ہوئے دیکھا جا سکتا ہے۔ان اقدامات کا ناٹوس لیتے ہوئے شارجہ کے حکام نے اسٹیڈیم میں ہنگامہ کرنے والوں کیخلاف کارروائی کا اعلان کیا ہے اور کہا ہے کہ اسٹیڈیم اور شائقین کو نقصان پہنچانے والوں کو مانیٹر کررہے ہیں۔حکام کے مطابق شائقین کھیل کے ضوابط پر عمل درآمد کریں، کھیل کا میدان اسپورٹس مین اسپرٹ کا تقاضہ کرتا ہے۔اس رویے پر قومی کرکٹ ٹیم کے سابق فاسٹ بولر شعیب اختر کا اپنے بیان میں کہنا تھا کہ افغان شائقین ایسا کئی بار کر چکے ہیں، یہ گیم ہے، اسے کھیل کے درست انداز میں ہی رہنے دینا چاہیے۔ انہوں نے کہا کہ افغان ٹیم اور شائقین کو کھیل کے آداب سیکھنے کی ضرورت ہے۔

دبئی اور شارجہ کے قانون نفاذ کرنے والوں اداروں نے سی سی ٹی وی کمیروں کی مدد سے توڑ پھوڑ کرنے کی شناخت شروع کردی۔ توڑ پھوڑ کرنے والوں کو سخت سزا دی جائے گی تاکہ مستقبل میں ایسا واقعہ پیش نہ آئے۔ توڑ پھوڑ کرنے والوں کو سزا کے بعد انکے ملک بجھوایا جائے گا۔شارجہ میں قانون نافذ کرنے والے ادارے نے 34 افغان باشندوں کو کرکٹ اسٹیڈیم میں ہنگامہ آرائی اور توڑ پھوڑ کرنے پر حراست میں لے لیا ۔