ریاض(امیر محمد خان) سعودی سپورٹس کا مشعل مختلف شہروں سے ہوتا ہوا جدہ پہنچ گیا۔گورنر مکہ مکرمہ شہزادہ خالد الفیصل کی نیابت کرتے ہوئے جدہ کے کمشنر شہزادہ سعود بن عبد اللہ بن جلوی نے سعودی سپورٹس کا مشعل وصول کیا،سعودی عرب میں 27 اکتوبر سے 7 نومبر تک سب سے بڑا اسپورٹس ایونٹ ہوگا جس میں مختلف کھیلوں کا اہتمام کیا گیا ہے۔سعودی ا سپورٹس کا مشعل ریلی کی شکل میں شہر کے نمایاں مقامات سے ہوتا ہوا گورنریٹ پہنچا ۔مشعل کو ممتاز سابق سعودی کھلاڑیوں اور نمایاں شخصیات نے باری باری اٹھایا اور جدہ کے تاریخی علاقے سے کورنیش تک اور وہاں سے جوہرہ اسٹیڈیم تک لے گئے۔سعودی اسپورٹس کے مشعل کی اگلی منزل طائف شہر ہے جہاں سے اسے جازان، پھر باحہ اور العلا لے جایا جائے گا۔