ملتان (ممتازنیوز) پاکستان میں کھیلوں کے فروغ اور سیلاب متاثرین کی امداد کیلئے رنگ آف پاکستان کے تحت انٹرنیشنل ریسلرز کی پاکستان آمد کا سلسلہ شروع ہوگیا۔ان ریسلرز میں ٹینی آئرن ، آدم فلیکس، ایملی ڈیب، ماریہ ڈیب اور بادشاہ پہلوان خان شامل ہیں۔انٹر نیشنل ریسلرز آج ڈی ایچ اے سپورٹس کمپلیکس ملتان میں اپنے جوہر دکھائیں گے۔ مختلف یونیورسٹیز اور کالجز کے طلباء و طالبات ان کا بھر پور استقبال کریں گے ۔ ریسلرز ڈی ایچ اے میں قائم فلڈ ریلیف کیمپ کا دورہ کریں گے ۔انٹر نیشنل ریسلرز آج شام ڈی ایچ اے Arena میں پریس کانفرنس بھی کرینگے۔ جس میں نومبر میں ہونے والے رِنگ آف پاکستان کے باقاعدہ مقابلوں میں انکی شرکت کے بارے میں آگاہ کریں گے۔ جو ملتان، کراچی اور اسلام آباد میں منعقد کئے جائیں گے۔ ان مقابلوں میں 20 سے زائد ممالک کے شہرت یافتہ ریسلرز بھی حصہ لیں گے۔انٹرنیشنل ریسلرز سیلاب متاثرین سے اظہارِ یکجہتی کیلئے راجن پور کا دورہ بھی کرینگے اور وہاں کے افراد جو سیلاب کی وجہ سے شدید متاثر ہوئے ہیں اُن سے ملاقات کرینگے۔علاوہ ازیں 6 اکتوبر کو انٹر نیشنل ریسلرز، وفاقی دارلحکومت میں پریس کانفرنس کرینگے جس میں پاکستان میں انکی آمد اور سیلاب متاثرین کی بحالی کیلئے رِنگ آف پاکستان کے تحت فنڈ ریزنگ میں بھرپور کردار ادا کریںگے۔