کراسٹ چرچ: (شہروزامجد)قومی کرکٹ ٹیم کے کپتان بابراعظم نے سہ ملکی ٹی ٹونٹی سیریز سے قبل اپنے بیان میں کہا کہ نیوزی لینڈ میں سہ ملکی سیریز سے پاکستان کو بہت فائدہ ہوگا،نیوزی لینڈ اور بنگلہ دیش کے خلاف یہ میچز ٹی ٹونٹی ورلڈ کپ کی تیاری میں معاونت کریں گے۔ انہوں نے کہا کہ ٹی ٹونٹی انٹرنیشنل کرکٹ میں کوئی بھی ٹیم آسان نہیں ہوتی ۔نیوزی لینڈ کی ٹیم اپنی ہوم کنڈیشنز میں سخت حریف ثابت ہوتی ہے۔نیوزی لینڈ کے پاس کین ولیمسین، ٹم ساؤدی اور ٹرینٹ بولٹ جیسے تجربہ کار کھلاڑی موجود ہیں۔یہاں کی کنڈیشنز آسٹریلیا سے ملتی جلتی ہیںیہاں کی باؤنسی پچز پر کھیلنے سے ورلڈ کپ کی تیاری ہوگیا۔انگلینڈ کے خلاف ہم نے مختلف کمبی نیشن آزمائے، جس سے اپنی خامیوں اور خوبیوں کا اندازہ ہوا۔