کراچی : پاکستان کرکٹ ٹیم کے سابق کپتان اور آل راونڈر شاہد آفریدی کا کہنا ہےکہ بابر اعطم کو چاہیے کہ بڑی سوچ رکھے کیونکہ بڑی سوچ رکھنے سے ہی رنز بنتے ہیں۔
نجی ٹی وی کے مطابق میڈیا سے گفتگو کرتے ہوئے شاہد آفریدی کا کہنا تھا کہ بنگلادیش سے میچ سے قبل گفتگو کرتے ہوئے بابر اعظم نے کہا تھا کہ انہوں نے 160 رنز کا ہدف دینے کا سوچا تھا جس پر شاہد آفریدی نے کہا کہ بابر کو اس درمیانی سوچ سے نکلنا پڑے گا، بابر کو چاہیے بڑی سوچ رکھے ،کیونکہ بڑی سوچ سے ہی رنز بنتے ہیں ۔
سابق کپتان نے کہا کہ اگر آپ پچ پر کھڑے ہوکر بڑے رنز بنانے کا دعویٰ بھی کرتے ہو تب بھی مخالف ٹیم پر الفاظ کا پریشر آئے گا، اگر بنگلادیش کے خلاف 160 رنز کی سوچ تھی تو بڑی ٹیموں کے خلاف کیا سوچ ہوگی؟دوسری جانب محمد رضوان سے متعلق شاہد آفریدی کا کہنا تھا کہ رضوان کے لیے ہم اللہ کا شکر ادا کریں، اصل چیز آغاز ہے، رضوان بابر رنز کرکے دیتے ہیں، تین چار کھلاڑی ہی چلتے ہیں، رضوان جس طرح سے کھیل رہا ہے انہیں چاہیے وہ کسی کی نہ سنے ۔
