اسلام آباد ( نیوز ڈیسک ) آئی ایم ایف کے پاکستان کیساتھ ساڑھے چھ ارب ڈالر قرضہ پروگرام کی اگلی قسط کیلئےجائزہ مذاکرات نومبر میں ہونگے ، آئی ایم ایف کو حالیہ سیلاب سے پاکستان میں ہونیوالے نقصان کےتخمینے کا انتظار ہے جس کے بعد آئی ایم ایف پاکستان کے معاشی اعشاریوں کے ڈیٹا اور دیگر اعداد وشمارکو اپ ڈیٹ کرکے نئے اعدادوشمار جاری کریگا، آئی ایم ایف نے کہا ہےکہ کسی بھی چیز پر سبسڈی کبھی بھی زیادہ موثر نہیں ہوتی اور وسائل کے بہترین استعمال کیلئےصرف ٹارگٹڈ سبسڈی ہی دی جانی چاہئے ، آئی ایم ایف کے مشرق وسطیٰ اور وسط ایشیا ڈیپارٹمنٹ کے سربراہ جہاد ذہورکی جانب سے پریس بریفنگ میں پاکستان سے متعلق کہا کہ پاکستان میں حالیہ سیلاب سے ہونیوالے جانی و مالی نقصان پر افسوس ہے اور اس کیلئے پاکستانی عوام سےا ظہار تعزیت کرتے ہیں ، آئی ایم ایف گزشتہ عرصے کے دوران پاکستان کا بہت زیادہ مددگار رہا ہے، ہمارا پاکستان کیساتھ قرض کا پروگرام چل رہا ہے۔