ہوبارٹ(سپورٹس ڈیسک) آئی سی سی مینز ٹی 20 ورلڈ کپ کے کوالیفائنگ راؤنڈ کے میچ میں اسکاٹ لینڈ نے ویسٹ انڈیز کو جیت کے لیے 161 رنز کا ہدف دے دیا۔

آسٹریلیا کے شہر ہوبارٹ میں کھیلے جا رہے میچ میں ویسٹ انڈیز نے ٹاس جیت کر اسکاٹ لینڈ کو بیٹنگ کی دعوت دی۔ اسکاٹ لینڈ نے پہلے بیٹنگ کرتے ہوئے 5 وکٹوں کے نقصان پر 160 رنز بنائے۔

اسکاٹش اوپنر جارج منسی 66 رنز بنا کر ناقابل شکست رہے جبکہ ویسٹ انڈیز کی جانب سے جوزف اور ہولڈر نے دو دو کھلاڑیوں کو آؤٹ کیا۔ بارش کے باعث میچ کچھ دیر کے لیے رکا بھی رہا۔
ٹی 20ورلڈ کپ کے پہلے مرحلے میں کوالیفائنگ میچز کھیلے جا رہے ہیں۔ ٹورنامنٹ کے لیے 8 ٹیموں کو دو گروپس میں تقسیم کیا گیا ہے۔ پہلے مرحلے کے اختتام پر چار ٹیمیں مین راؤنڈ سپر 12 کے لیے کوالیفائی کریں گی جس کا آغاز 22 اکتوبر سے ہوگا۔